KABANATA II: SA ILALIM NG KUBYERTA

 BUOD

                Ang kubyerta ay isang parte ng barko/bapor. Sa bapor na sinasakyan ni Simoun ay may dalawang parte ito, ang ibabaw at ilalim. Napakalaki ang pagkakaiba ng kalagayan ng mga na sa ibabaw ng bapor at ng na sa ilalim. Sa ilalim ng kubyerta ang mga manlalakbay ay nakaupo lamang sa mga maliliit na silya at bangko kung saan nakalagay rin ang kanilang mga maleta, baul, basket at iba pa. Dahil sa init, naghalohalo ang mga singaw ng mga tao at napakaingay pa dito dahil malapit lang ang makina ng bapor sa ilalim ng kubyerta. Ipinapakita nito na hindi komportable ang kapaligiran sa ilalim ng bapor. Sa kabila ng kalagayan ng mga pasahero sa ilalim ng bapor, masaya pa rin sila at nananabik nang magbakasyon para sa kapaskuhan. Sa ibabaw naman ng bapor ay mas maganda at komportable ang kapaligiran. Dito ang mga mayayaman nakaupo, kabilang na si Simoun. Si Isagani at Basilio, mga mag-aaral, ay mataimtim na nag-uusap kasama si Kapitan Basilio sa layunin ng mga mag-aaral na makapagpatatag ng akademya para sa pagtuturo ng wikang Kastila. Pursigido ang mga mag-aaral na maipatatag ito kung kaya't naihanda na nila lahat ng kinakailangan at ang kulang nalang ay ang pahintulot upang maitulak ang kanilang layunin.

MGA TAUHAN

Basilio -

Mag-aaral ng medisina. Nilunok niya ang pagmamaliit sa kanya ng kapwa mag-aaral at ng mga guro dahil sa kaniyang anyo at kalagayan sa buhay.

Isagani - 

Isang makata o manunugma. Isa sa mga estudyante na sumusuporta na hangaring magkaroon ng sariling akademya para sa wikang Kastila sa Pilipinas.

Simoun - 

Si Crisostomo Ibarra na nagpanggap bilang isang napakayamang mag-aalahas na bumalik sa Pilipinas upang maghasik ng rebolusyon laban sa mga Kastila na namumuno bilang paghihiganti sa mga ginawa nila sa kaniya.

Kapitan Basilio - 

Isang mayamang mamamayan na taga-San Diego.

SULIRANIN

Sa kabanatang ito, makikita natin ang suliranin ng:

*mga mahihirap sa ilalim ng kubyerta kung saan ang masikip at mainit na kapaligiran ay tinitiis ng marami habang ang na sa ibabaw naman ng bapor ay mas maluwag at komportable.

*mga estudyante na si Basilio at Isagani na nagsisikap upang makapagtayo ng akademya para sa Wikang Kastila dahil nais nilang matuto sila at ang mga ibang mag-aaral na Pilipino ng wikang Kastila.

                  

ISYUNG PANLIPUNAN

Sa kabanatang ito, may makikita tayong mga isyung panlipunan na hanggang ngayon ay nananatili pa rin sa ating panahon kagaya nalang ang:

KAHIRAPAN - Sa ilalim ng bapor, masikip at mainit dahil marami ang mga tao dito habang ang kalagayan ng ibabaw ng bapor ay kasalungat sa ilalim. Sa ating panahon ngayon, mas marami ang mga mahihirap kesa sa mga may kaya o mayayaman. Ang mas malaking bahagi ng mga rekurso o yaman ng ating bansa ay napupunta sa mga mayayaman habang ang kaunting bahagi ay napupunta sa mga mahihirap.

KAKULANGAN at PAGKAKAIT NG EDUKASYON - Si Basilio at Isagani ay gustong matuto ng Wikang Kastila at makikita natin na nagsisikap upang makamit ang kanilang kagustuhan subalit dahil sa iba't ibang mga kadahilanan ay hindi nila nakamit ang kanilang layunin, kagustuhan at lalong lalo na ang kanilang karapatan matuto. Kagaya nalang sa panahon nating ngayon, maraming mga tao ang gustong makapag-aral at matuto subalit dahil sa kahirapan ay hindi nila natatamo ang kagustuhan na ito.

GINTONG ARAL

           May mga bagay at mga pribilehiyo tayong lahat na natatanggap na hindi natatamo ng iba. Ang mga bagay na ito ay minsan ay nakakalimutan nating mapahalagahan at bigyan importansya. Hindi natin alam na may mga tao na nag-aasam na magkaroon ng kung anong mayroon tayo pero sa kabila ng ito ay binigyan tayo ng Panginoon ng mga bagay na ito kagaya na lang ng: edukasyon, tahanan, pamilya at iba pa. Dahil pinagkalooban tayo ng Diyos nito, responsibilidad natin ang pahalagahan ito at ibahagi ito sa nangangailangan.